• ആത്മാവിൻ വരൾച്ച : ശരീരത്തിൻ തളർച്ച
• ആമാശയത്തിൻ മുഴക്കം : വൃക്കയിൽ വീക്കം
• കോശങ്ങൾക്ക് സ്തംഭിപ്പ് : പേശികൾക്ക് മരവിപ്പ്
• വിചാരത്തിൽ വിഷാദം : വികാരത്തിൽ വിഷദംശം
• അതിരാവിലെ കൈവിറ : അർദ്ധരാത്രിയിൽ കോച്ചിവിറ

• അദ്ധ്വാനത്തോട് അറപ്പ് : എല്ലാവരോടും വെറുപ്പ്
• വരവറിയാതെ ചിലവ് : വിവരമില്ലാത്ത അറിവ്
• ആദ്യം നാട് കുലുക്കി : അനന്തരം കുടുംബം കലക്കി
• ഭാര്യക്ക് രാക്ഷസൻ : മക്കൾക്ക് ഭീകരൻ
• അടുത്താൽ കൊടുംനാറ്റം : അടുപ്പിൽ ചേരകേറ്റം

മദ്യത്തോടുള്ള സഹനക്ഷമത കൂടുക, മദ്യം ഉപയോഗിക്കാത്ത ദിവസങ്ങളിൽ പിൻവാങ്ങൽ ലക്ഷണങ്ങൾ കാണിക്കുക. കുടി നിയന്ത്രിക്കാൻ സാധിക്കാതെ വരിക തുടങ്ങിയ ലക്ഷണങ്ങൾ കണ്ടു തുടങ്ങിയാൽ നിങ്ങൾക്ക് ചികിത്സ ആവശ്യമാണെന്ന് മനസിലാക്കുക. ഒരാൾ മദ്യത്തിന് അടിമയാണെന്ന് എന്നറിയുന്നത് ചില ലക്ഷണങ്ങൾ വിലയിരുത്തിയാണ്

• മദ്യം ഉപയോഗിക്കാനുള്ള തീവ്രവും അനിയന്ത്രിതവുമായ ആഗ്രഹം
• മദ്യത്തിന്റെ അളവ് നിയന്ത്രിക്കാനുള്ള കഴിവില്ലായ്മ
• തുടക്കത്തിൽ വിചാരിക്കുന്നതിൽ കൂടുതൽ സമയം മദ്യോപയോഗത്തിനായി ചെലവഴിക്കുക
• മദ്യം ഉപയോഗിക്കാത്ത ദിവസങ്ങളിൽ ഉറക്ക കുറവ്, വിറയൽ, അമിത ഉത്കണ്ഠ തുടങ്ങിയ ലക്ഷണങ്ങൾ അനുഭവപെടുക
• ആഹ്ളാദം ഉളവാക്കുന്ന മറ്റു പ്രവൃത്തിളിലൊന്നും താല്പര്യം കാട്ടാതെ മദ്യപിക്കാൻ കൂടുതൽ സമയം ചിലവിടുക
• മദ്യം തന്റെ ശരീരത്തിന് ദോഷമാണെന്നറിഞ്ഞിട്ടും അതിന്റെ ഉപയോഗം ഒഴിവാക്കാൻ കഴിയാതെ വരികയും തൻ ഫലമായി കുടുംബവും ജോലിയും ആരോഗ്യവുമെല്ലാം മദ്യപാനി നഷ്ടമാകുന്നു

മാനസികം'

• അടിച്ചമർത്ത പെടുന്ന മോഹങ്ങളുടെ സഫലീകരണം
• സുരക്ഷിതത്തിനുള്ള അഭിനിവേശം
• രക്ഷിതാക്കളുടെ മേധാവിത്വ പെരുമാറ്റം
• അമിതമായ ഉത്കണ്ഠ വിഷാദം അഭിമുഖീകരിക്കാനുള്ള പ്രയാസം'
• കുറഞ്ഞ ആത്മാഭിമാനം
• ഒറ്റപ്പെട്ട വിചാരം
• ആന്തരിക സംഘർഷം , ബോറടി, മന്ദത, അമിത ജിജ്ഞ്ജാസ

ശാരീരികം

• എൻഡോക്രൈൻ വ്യവസ്ഥയിലെ പ്രവർത്തന പരാജയം
• ജീവവസ്തുവിന്റെ ശരീര പോഷണത്തിലെ തകരാറ്

സാമൂഹികം

• മദ്യം, മയക്കു മരുന്ന് എന്നിവയുടെ ലഭ്യത
• വളരുന്ന ചുറ്റുപ്പാട് , പാരമ്പര്യം
• സുഹൃത്തുക്കളുടെ സ്വാധീനം, സമ്മർദ്ദം
• അമിതമായ സ്വാതന്ത്ര്യം
• കടബാധ്യത, ദാരിദ്ര്യം
• കുടുംബപ്രശ്നങ്ങളും, ശിഥിലീകരണവും

കരൾ
കരളിലെ കോശങ്ങളുടെ പ്രവർത്തന ക്ഷമത കുറയുന്നു. തുടർച്ചയായ മദ്യത്തിന്റെ ഉപയോഗം കരൾവീക്കത്തിന് വഴി തുറക്കുന്നു

വൃക്ക
വൃക്കയിലെ ഗ്ളൂക്കോസ് ഉത്പാദനത്തെ ബാധിക്കുന്നു. കിഡ്നിയുടെ പ്രവർത്തനത്തെ സാരമായി ബാധിക്കുന്നു

ഹൃദയം
ഹൃദയ മിടിപ്പ് കൂടുന്നു. ഹൃദയത്തിനു കൂടുതൽ പ്രവർത്തിക്കേണ്ടി വരുന്നു. അത് വഴി രക്ത കോശങ്ങളിലേക്ക് ലഹരി എളുപ്പം പ്രവേശിക്കുന്നതിനാൽ ഹൃദയാഘാതത്തിനുള്ള സാധ്യത കൂടുന്നു

മസ്തിഷ്‌കം
മസ്തിഷ്കത്തിലെ കോശങ്ങളുടെ പ്രവർത്തനത്തെ ബാധിക്കുന്നു. തലച്ചോറിലെത്തുന്ന വിഷ അംശം മൂലം ഓർമ്മ ശക്തി കുറയുന്നു. സന്ധിവേദന, ശേഷിക്കുറവ് എന്നിവ ഉണ്ടാക്കാനുള്ള സാധ്യത കൂടുതലാണ്

ആമാശയം
മദ്യം ദഹന പ്രക്രിയയെ ബാധിക്കുന്നു. ദഹനരസങ്ങളെ ദുർബലപ്പെടുത്തുന്നു. കുടൽ ഭിത്തിയിൽ പുണ്ണ് വരാനുള്ള സാധ്യത കൂടുതലാണ്

രക്ത കോശങ്ങൾ
രക്തകോശങ്ങളിലെ വി ശാംശ സാന്നിദ്ധ്യം അതിന്റെ പ്രവർത്തനശേഷി കുറക്കുന്നു. പ്രതിരോധശേഷി കുറക്കുന്നു

മാനസിക പ്രത്യാഘാതങ്ങൾ
വൃക്കയിലൂടെ മൂട് പെട്ടെന്ന് മാറുന്നു